Mədəniyyət və Turizm naziri Əbülfəs Qarayevlə gənclər və idman naziri Azad Rəhimov birgə iclas keçirib.

Mədəniyyət və Turizm Nazirliyinin İctimaiyyətlə əlaqələr və mətbuatla iş sektorunun müdiri İntiqam Hümbətovun Axar.az-a verdiyi məlumata görə, bu gün Mədəniyyət və Turizm Nazirliyində "Bakı-2015" I Avropa Oyunlarına hazırlıqla bağlı mədəniyyət və turizm proqramlarının təşkili ilə bağlı yaradılmış İşçi Qrupunun iclası keçirilib.

Mədəniyyət və Turizm naziri Əbülfəs Qarayevin, Gənclər və İdman naziri Azad Rəhimovun və hər iki qurumun məsul şəxslərinin iştirakı ilə keçirilən iclas Avropa Oyunları zamanı ölkəmizə gələcək qonaqlara təqdim ediləcək yüksək səviyyəli mədəni proqramların təşkilinin müzakirəsinə həsr olunub.