Paytaxt ərazisində saxta əsginasları dövriyyəyə buraxmaq istəyənlər tutulub.

Axar.az xəbər verir ki, fevralın 10-da saat 03 radələrində Yasamal rayonu ərazisindəki sağlamlıq mərkəzlərindən birindən Yasamal Rayon Mühafizə İdarəsinə daxil olmuş "həyəcan" siqnalı yoxlanılarkən saxta pulla ödəniş etməyə cəhd göstərən Balakən rayon sakinləri Urfan Hacıyev və Elmin Qasımov saxlanılıb.

Saxlanılan şəxslərin üzərinə baxış zamanı onlardan 15 ədəd 20 manatlıq və 6 ədəd 5 manatlıq saxta əsginas götürülərək 27-ci polis bölməsinə təhvil verilib.

Onların Balakən rayon sakinləri Ruslan Xəmmədov və Ceyhun Osmanovla birgə M.Ə.Rəsulzadə qəsəbəsində kirayədə yaşadıqları evə baxış zamanı əlavə 25 ədəd 20 manatlıq, 19 ədəd 1 manatlıq saxta əsginas aşkar edilərək götürülüb.