Ana səhifə Toplum |
"Sürücülərə tövsiyə edirəm ki, hərəkət qaydalarını daha yaxşı öyrənsinlər".
Axar.az xəbər verir ki, bu açıqlama ilə yol hərəkəti üzrə ekspert Ərşad Hüseynov çıxış edib. O, yol hərəkəti təhlükəsizliyi ilə bağlı hazırlanan milli strategiya sayəsində sürücülər üçün intizamsızlıq həlqəsinin daraldığını bildirib:
"Bir müddət əvvəl ölkəmizdə yol hərəkəti təhlükəsizliyi ilə bağlı milli strategiya hazırlanması barədə məlumat vermişdim. Bu sənəddə əsas hədəflərdən biri yol hərəkətinə nəzarət üçün müxtəlif texniki vasitələrin artırılması, onların təkmilləşdirilməsi və onlardan istifadənin səmərəliliyinin yüksəldilməsidir. DYP üçün gətirilmiş yeni avtomobillər bu istiqamətdə növbəti mərhələdir. Ona görə də sürücülərə tövsiyə edirəm ki, hərəkət qaydalarını daha yaxşı öyrənsinlər və ən başlıcası, onlara riayət etsinlər. İntizamsızlıq həlqəsi daralır..."
Qeyd edək ki, yol hərəkəti təhlükəsizliyi ilə bağlı hazırlanan milli strategiyada yol infrastrukturunun yaxşılaşdırılması, sürücülərin maarifləndirilməsi, sərxoşluqla mübarizə və digər məsələlər yer alıb.
Xatırladaq ki, ötən gün 400 ədəd yeni və müasir avadanlıqlarla təchiz edilmiş BMV (5-ci seriya) markalı avtomobillər DYP əməkdaşlarının istifadəsinə verilib.
Tarix
2015.02.12 / 08:15
|
Müəllif
İlham Sahiloğlu
|