Bakı metrosunda ticarətin bərpası köhnə tacirlərin qayıdışına səbəb olmayacaq. Onların işlədiyi "Metro" ticarət mərkəzləri bağlanmayacaq.

Axar.az-ın xəbərinə görə, Bakı Metropoliteni QSC hər stansiyanın keçidində bir neçə mağazanın açılmasına icazə verəcək.

Bu mağazaların əvvəlki köşklərdən fərqli olaraq müasirliyi ilə seçilməsi, həmçinin xüsusi təyinatlı dükanların fəaliyyəti nəzərdə tutulub. Ona görə də ticarətçilərin kütləvi qayıdışı və yenidən xaos yaranması məqbul sayılmayıb.

Xatırladaq ki, Tağı Əhmədovun istefaya göndərilməsindən sonra ləğv edilən ticarətin bərpa olunmayacağı rəsmi şəkildə elan edilmişdi. Amma bir neçə ay sonra keçidlərdə təmir başlanılıb və artıq "Koroğlu" stansiyasında gül, kitab mağazaları açılıb.