09:43

Şamaxı rayonu ərazisində ağır yol qəzası baş verib.

Axar.az Fövqəladə Hallar Nazirliyinin rəsmi saytına istinadən xəbər verir ki, Bakı-Qazax yolunun 130-cu kilometrliyində, Şamaxı rayonu ərazisində vətəndaşa məxsus "Lifan" markalı minik avtomobili idarəetməni itirərək yolun kənarındakı ağaca çırpılıb. Dərhal Fövqəladə Hallar Nazirliyinin müvafiq xilasetmə qüvvələri hadisə yerinə cəlb olunub. Yanğınsöndürən-xilasedicilər avtomobildən şəxsiyyəti məlum olmayan 2 nəfərin cəsədini çıxarıb və aidiyyəti üzrə təhvil veriblər.

Əməliyyat saat 08:26-da başa çatıb.

***

Bakı-Şamaxı-Yevlax avtomobil yolunda baş verən avtomobil qəzası zamanı ölən ata və ananın və ağır xəsarət alan uşağın şəxsiyyəti məlum olub.

Qəbələ rayon sakini, 1986-cı il təvəllüdlü Əfəndiyev Murad İzzət oğlunun idarə etdiyi 36-BE-518 dövlət nömrə nişanlı "NAZ Lifan" markalı minik maşını yoldan çıxaraq ağaca çırpılıb və aşıb. Sürücü Murad Əfəndiyev və onun həyat yoldaşı, 1989-cu il təvəllüdlü Nərmin Əfəndiyeva aldıqları ağır xəsarətlər nəticəsində hadisə yerində ölüblər. Ailənin azyaşlı övladı, 2013-cü il təvəllüdlü İzzət Əfəndiyev ağır xəsarət alaraq Şamaxı Mərkəzi Rayon Xəstəxanasına yerləşdirilib. Hadisənin yağışlı və dumanlı havada sürücünün idarəetməni itirməsi səbəbindən baş verdiyi bildirilir.