Bakı şəhərində və şəhər ətrafı avtomobil yollarında olan yeraltı piyada keçidlərində təmizlik işləri aparılır.

Azərbaycan Avtomobil Yolları Dövlət Agentliyindən Axar.az-a verilən məlumata görə, yeraltı piyada keçidlərində olan yağış-kanalizasiya sisteminin barmaqlıqları və süzgəcləri kənar cisimlərdən təmizlənərək ötürücülüyü bərpa olunur, keçidlərin pilləkən və qalereya hissələri yuyulub təmizlənir.

Agentliyin mətbuat katibi Anar Nəcəfli bildirib ki, vətəndaşlar özləri təmizliyə riayət etsə, daha yaxşı olar:

“Çox yaxşı olar ki, vətəndaşlar siqaret kötüyü, saqqız kimi istifadə olunmuş qalıqları su ötürücüsü olan barmaqlıqların arasına atmasınlar. Yağışlı havalarda bu, böyük problem yaradır”.