“Radio Speys 104 Fm”də efirə gedən “Radio Doktor” verilişi maraqlı kampaniya başladıb.

Axar.az xəbər verir ki, doktor Ariz Cəbrayılov və doktor Ləman Nurun aparıcılıq etdiyi verilişdə hər gün bir tibbi mövzu barədə dəvət olunan həkimlə müzakirələr aparılır.

Bundan başqa, efir zamanı rubrika çərçivəsində səsləndirilən suala doğru cavab verən ilk 3 dinləyici (bəzən limitsiz sayda) seçiminə uyğun olaraq ödənişsiz konsultasiya haqqı qazanır.

Layihənin rəhbəri Ariz Cəbrayılovun sözlərinə görə, hazırda verilişin televiziya formatı üzərində hazırlıqlar gedir.

Qeyd edək ki, “Radio Doktor” verilişi həftəiçi hər gün saat 17:05-dən 18:00-dək “Radio Speys 104 Fm”də efirə gedir. Geniş dinləyici kütləsinin marağına səbəb olan “Radio Doktor”un digər tibbi verilişlərdən fərqi budur ki, sözügedən proqramda həkimin təkcə tibbi bilikləri deyil, mənəvi keyfiyyətləri də üzə çıxarılır.

Məlumat üçün bildirək ki, Azərbaycanın ilk tibbi bədii internet serialı olan “Sayrışan işıqlar”ın 2-ci seriyasında “Radio Doktor” verilişindən də bəhs ediləcək.