Ana səhifə Toplum |
15:03
Abşeron rayon Masazır qəsəbəsində yerləşən "Romi" motelində qətl hadisəsi baş verib.
Axar.az-a daxil olan qeyri-rəsmi məlumata görə, moteldə olan qadını öz əri qətlə yetirib.
Hazırda hadisə yerində polis əməkdaşlarının olduğu bildirilir.
"Romi" motelinin əxlaqsızlıq yuvası olduğu barədə məlumatlar var. İlkin ehtimala görə, qətlin səbəbi də budur.
Ölənin və qatilin şəxsiyyəti müəyyənləşməyib.
15:20
Abşeron Rayon Polis İdarəsinin növbətçi hissəsindən məlumatı Axar.az-a təsdiqləyiblər. İdarədən bildirilib ki, qatil Zöhrab İsmayılovdur. O, arvadı Vəfanı qətlə yetirib.
***
Bu gün Masazırda baş vermiş qətlə bağlı cinayət işi açılıb.
Baş Prokurorluğun mətbuat xidmətinin rəhbəri Eldar Sultanovun Publika.az-a verdiyi məlumata görə, bu gün saat 14 radələrində Abşeron rayonu Masazır qəsəbəsində yerləşən "Romi" motelində qətl hadisəsi baş verib.
1980-ci il təvəllüdlü Zöhrab İsmayılov qısqanclıq zəminində
keçmiş arvadı, 1988-ci il təvəllüdlü Vəfa Abdullayevanın boyun
nahiyəsinə bir neçə bıçaq zərbəsi endirərək onu qətlə
yetirib.
Faktla bağlı Abşeron Rayon Prokurorluğunda Cinayət Məcəlləsinin
120.1-ci (qəsdən adamöldürmə) maddəsilə cinayət işi baslanılıb.
Cinayəti törətməkdə şübhəli bilinən Z.İsmayılov hal-hazırda rayon
prokurorluğunda dindirilir.
Tarix
2015.02.16 / 17:24
|
Müəllif
Axar.az
|