80 saylı İmişli-Beyləqan seçki dairəsindən deputatlığa namizəd Çingiz Qənizadə seçicilərə videomüraciət edib.

Axar.az xəbər verir ki, millət vəkilliyinə namizəd Unikal.org-a açıqlamasında son günlər haqqında yayılan video görüntülərdən danışıb. Ç.Qənizadə baş verən hadisəni özünə qarşı hazırlanmış təxribat adlandırıb:

"Yanvar ayının 17-dən etibarən seçki kampaniyasına start vermişəm. Bu günə qədər keçirdiyim görüşlərin fotolarını təqdim edirəm. Rəqiblərimi də həmin fotolara baxmağa dəvət edirəm. İstəyirəm onlar insanları necə qarşıladığımı, seçicilərin necə yüksək əhval-ruhiyyədə mənimlə görüşə gəldiklərini görsünlər. Araşdırmamız zamanı məlum oldu ki, Tapdıq Abbasın Yutub kanalına çıxararaq, mənim və digər namizədlərin əlehinə təbliğat apardığı 80 saylı İmişli-Beyləqan seçki dairəsindən deputatlığa namizədlərdən biri Orucov Məhərrəm Möhübbət oğlu onun bibisi nəvəsidir və o, Dünyamalılar kəndində yaşayır. Ümumilikdə demək istəyirəm ki, namizəd olduğum dairədən bu gün seçicilərin ən çox yanında olan, onlarla ən çox görüşə gedən namizəd kimi görüşlərimiz bu ardıcıllıqla davam edəcək. İnşallah seçicilərin dəstəyi ilə sonda da qələbə bizim olacaq".