105 saylı Tovuz seçki dairəsindən deputatlığa namizəd Qənirə Paşayeva bu gün Dönük Qırıqlı kəndində olub.

Axar.az xəbər verir ki, Q.Paşayeva kənddə şəhid ailələri, Qarabağ müharibəsi veteranları ilə görüşüb, onlarla fikir mübadiləsi aparıb.

Daha sonra kənd boyu gəzərək, seçiciləri ilə məhəllələrdə görüşlər keçirən Qənirə Paşayeva onların istəyini nəzərə alaraq, hər birini ayrı-ayrılıqda dinləyib, qayğılarını, problemlərini öyrənib.

Ümumilikdə 46 kənd sakinini tək-tək qəbul edən Q.Paşayeva onların qaldırdıqları məsələlərlə bağlı qeydlər götürərək, problemlərin həlli istiqamətində çalışacağını və müvafiq qurumlara müraciət edəcəyini vurğulayıb.

Kənd sakinləri Qənirə Paşayevanı çox sevdiklərini və ona təkrar etimad göstərəcəklərini, yalnız onu öz deputatları görmək istədiklərini qeyd ediblər.

Paşayeva bu dəyərə görə hər bir sakinə təşəkkürünü bildirib.