60 saylı Salyan-Neftçala seçki dairəsindən deputatlığa namizəd Fəzail Ağamalı Salyan rayonunun Aşağı və Yuxarı Noxudlu kəndlərində sakinlərlə görüşüb.

Axar.az xəbər verir ki, F.Ağamalı görüşdən əvvəl Azərbaycanın müdafiəsi uğrunda şəhid olmuş qəhrəmanlarımızın məzarını ziyarət edib.

Ziyarətdən sonra F.Ağamalı seçicilərlə müzakirələr aparıb.

Görüşdə F.Ağamalının deputatlıq dönəmində vətəndaşların qayğıları ilə yaxından maraqlandığı, onların təklif və çağırışlarına dərhal reaksiya verdiyi qeyd edilib.

Seçicilərdən birinin F.Ağamalı haqqında maraqlı sözlər deməsi deputatlığa namizədin üzündə təbəssüm yaradıb.

Seçicilər fevralın 9-da keçirilən seçkilərdə Fəzail Ağamalıya səs verəcəklərini deyiblər.