Göyçayda 1 nəfərin ölümü ilə nəticələnən yol nəqliyyat hadisəsi baş verib.

ANS-in məlumatına görə, hadisə Göyçay-Bərgüşat yolunun 9 km-də rayonun Qızılağac kənd ərazisində qeydə alınıb.

Belə ki, rayonun Qızılağac kənd sakini Zaur İsmayılovun idarə etdiyi minik maşını ilə Bərgüşat istiqamətində hərəkət edərkən idarə etməni itirib və maşın yoldan çıxaraq yaxınlıqda olan həmkəndilisi 65 yaşlı Abdulhəmid Osmanovı, ona məxsus minik maşına daha sonra dəmirçi sexinə dəyərək dayanıb.

Hadisə zamanı zərbənin gücündən Abdulhəmid Osmanov maşının yanında olduğundan alıdığı ağır xəsarətlər nəticəsində elə hadisə yerində dünyasını dəyişib.

Hadisə zamanı qəza törədən minik maşını və dəmirçi sexi yararsız hala düşüb.

Qeyd edək ki, Abdulhəmid Osamanov Qızılağac kənd orta məktəbində müəllim işləyirdi. Faktla bağlı Göyçay rayon polis şöbəsində araşdırma aparılır.