12:32

Fövqəladə Hallar Nazirliyi (FHN) İsmayıllı rayonunda baş vermiş ağır yol qəzası barədə məlumat yayıb.

Axar.az xəbər verir ki, FHN-in "112" qaynar telefon xəttinə İsmayıllı rayonunda "Mersedes" markalı sərnişin avtobusu və VAZ markalı minik avtomobili toqquşması barədə məlumat daxil olub.

Hadisə yerinə cəlb olunan Dövlət Yanğından Mühafizə Xidmətinin müvafiq xilasetmə qüvvələri VAZ markalı minik avtomobilində sıxılı vəziyyətdə qalan 2 nəfərin meyitini deformasiyaya uğrayan nəqliyyat vasitəsindən çıxararaq aidiyyəti üzrə təhvil veriblər.

***

Tibbi Ərazi Bölmələrinin İdarə Birliyi turist avtobusunun qəzaya uğraması nəticəsində 2 nəfərin hadisə yerində, bir nəfərin isə xəstəxanaya aparılarkən öldüyünü bildirib. Qeyd olunub ki, xəsarət alanlardan bəziləri ilkin tibbi yardım aldıqdan sonra evə buraxılıb, 4 nəfər isə xəstəxanaya yerləşdirilib. hazırda onların vəziyyəti stabildir.

Xatırladaq ki, ilkin məlumatda 20 nəfərin xəsarət aldığı bildirilmişdi.