Ana səhifə Toplum |
Yeni Azərbaycan Partiyasının (YAP) 38 saylı Nizami ikinci (Gəncə) seçki dairəsi üzrə deputatlığa namizədi Naqif Həmzəyevin təbliğat-təşviqat kampaniyası çərçivəsində növbəti görüşü Məhsəti Gəncəvi Mərkəzində keçirilib.
Axar.az xəbər verir ki, görüşdə Təbliğat Qrupunun üzvləri, ağsaqqallar, ziyalılar, ictimaiyyət nümayəndələri və gənclər iştirak ediblər.
Görüşdə YAP Gəncə şəhər təşkilatının sədri Naqif Həmzəyev haqqında ətraflı məlumat verilib, onun fəaliyyəti yüksək qiymətləndirilib. Eyni zamanda, Naqif Həmzəyevin V çağırış Azərbaycan Respublikasının Milli Məclisinin deputatı kimi seçildiyi ərazinin inkişafı istiqamətində real işlər görməsindən, problemlərin həlli yolunda seçicilərin köməyinə çatmasından, sadəliyi və səmimiliyi ilə Gəncə sakinlərinin rəğbətini qazanmasından danışıblar.
Görüşə gəldikləri üçün seçicilərə təşəkkür edən N.Həmzəyev Prezidentin rəhbərliyi ilə ölkəmizdə həyata keçirilən genişmiqyaslı islahatların ümumi inkişafa verdiyi töhfələrdən danışıb.
Deputatlığa namizəd seçiciləri fəal olmağa, seçki günü daha güclü Azərbaycan naminə YAP-ın namizədlərinə səs verməyə çağırıb.
Tarix
2020.01.27 / 13:25
|
Müəllif
Axar.az
|