Ana səhifə Toplum |
Deputatlığa namizəd Fəzail Ağamalının növbəti görüşü Salyan rayonunun Xıdırlı kəndində keçirilib.
Axar.az xəbər verir ki, görüşdən öncə Fəzail Ağamalı erməni təcavüzünə qarşı döyüşlərdə şəhid olan igid övladlarımızın məzarlarını ziyarət edib və onların ruhuna dualar oxuyub.
Çoxsaylı seçicilərin toplandığı görüşdə Fəzail Ağamalının vəkilləri Zaman Əmirov və Emin Bayramov namizədin bioqrafiyası və keçdiyi həyat yolunun vacib məqamları barədə danışıblar.
Fəzail Ağamalı Ulu öndərimiz Heydər Əliyevin xalqımız və dövlətçiliyimiz qarşısında tarixi xidmətləri, ölkəmizdə gedən və geniş miqyas alan islahatlar, onların konkret nəticələri ətrafında geniş danışıb və 4 illik deputatlıq fəaliyyətinin vacib məqamlarını diqqətə çatdırıb.
Görüşdə çıxış edən kənd ziyalısı Adil Abdullayev, ehtiyatda olan zabit, Qarabağ döyüşləri veteranı İldırım Babayev, kənd ağsaqqalları Ağadayı Paşayev, Abdulxaliq Məmmədov və kənd sakinləri Rafiq Süleymanov, Qənbər Qənbərov, Elxan Kərimov Fəzail Ağamalının deputatlıq fəaliyyətini yüksək qiymətləndirərək, qarşıdan gələn parlament seçkilərində ona səs verəcəklərini söyləyiblər.
Fəzail Ağamalının seçicilərlə görüşləri davam edir.
Tarix
2020.01.28 / 14:59
|
Müəllif
Axar.az
|