Paytaxtın Sabunçu rayonunda təbii qazın təchizatında məhdudiyyət yaranıb. Abonentlər havanın soyuqlaşdığı vaxtda qazın təzyiqinin həddindən aşağı olduğunu qeyd edirlər.

Axar.az-ın redaksiyasına zəng edən rayon sakinlərinin məlumatına görə, Bakıxanov qəsəbəsi, Yavər Əliyev küçəsində qaz gəlmir.

Xatırladaq ki, "Azəriqaz" İB-nin İctimaiyyətlə əlaqələr şöbəsi yeni çəkilmiş qaz kəmərinin mənbəyə birləşdirilməsi və qaztənzimləyici qurğunun quraşdırılması ilə əlaqədar 18 fevral 2015-ci il tarixdə saat 10.00-dan işlər başa çatanadək Qaradağ və Sabunçu rayonlarının bir hissəsinə təbii qazın verilişində fasilələr yaranacağı barədə xəbərdarlıq etmişdi.