Bakı şəhərində Sumqayıt sakinindən silah və patron götürülüb.

Bakı şəhər Baş Polis İdarəsindən ANS press-ə verilən məlumata görə, əməliyyat Yasamal rayon Polis İdarəsinin Narkotiklə Mübarizə Bölməsi, cinayət axtarış şöbəsi və 26-cı polis bölməsinin əməkdaşları tərəfindən keçirilib.

Keçirilən əməliyyat-axtarış tədbirləri nəticəsində Sumqayıt şəhər sakinindən 1979-cu il təvəllüdlü Elçin Ramazan oğlu Kərimduxt saxlanılıb.

Saxlanılan şəxsdən Naqan tipli "Revolver" markalı silah və 3 ədəd 7,62 mm patron aşkar olunaraq götürülüb.

Araşdırmalar zamanı məlum olub ki, o, əvvəllər də məhkumluq həyatı yaşayıb.

Faktla bağlı araşdırma aparılır.