Bu gün Bakı Apelyasiya Məhkəməsində keçirilən prosesdə Lamiyə Quliyevanın azadlığa buraxılması üçün verilən vəsatət təmin edilib.

Axar.az-ın məhkəmədə olan əməkdaşı xəbər verir ki, Lamiyə Quliyeva məhkəmə zalındanca azadlığa buraxılıb.

Xatırladaq ki, 1987-ci ildə anadan olan Lamiyə Quliyeva 2003-cü ilin may ayında nişanlısı Vüqar Əliyevlə birgə Şəmkirin icra başçısı olmuş Aslan Aslanovun oğlu Ruslan Aslanovu qətlə yetirməkdə ittiham olunmuşdu. Məhkəmənin hökmü ilə Vüqar Əliyev ömürlük, Lamiyə Quliyeva isə 10 il müddətinə azadlıqdan məhrum edilmişdi. 2010-cu ildə isə L. Quliyevanın barəsində 317-ci (cəzaçəkmə müəssisəsinin və ya istintaq təcridxanasının normal fəaliyyətini pozma) maddəsi ilə cinayət işi başlanılmış və cəzası 5 il 6 ay artırılmışdı.

2014-cü il oktyabrın 16-da məhkum Lamiyə Quliyevanın ana olmasının ictimailəşdirilməsindən sonra isə 16 yaşında həbs olunan qadının həyatı diqqət mərkəzinə gəldi.