Nabranda 50 villalıq istirahət mərkəzi şok qiymətə satışa çıxarılıb.

Axar.az xəbər verir ki, dəniz sahilində yerləşən mərkəzin tikintisi tam başa çatmayıb. 70 min kvadrat metr torpaq sahəsində yerləşən mərkəzin yalnız 20 faizi tamamlanıb.

Layihəyə hər biri 2 mərtəbədən ibarət 3, 4, 5 və 12 otaqlı 50 ədəd villa, 200 nömrəlik lüks otel, idman mərkəzi, hovuz, stadion, həyətyanı geniş ərazi daxildir.

Meşənin qarşısında yerləşən mərkəzin yaxınlığında axar çay və müalicəvi termal su bulaqları da var.

Lüks istirahət mərkəzi üçün müəyyən edilən satış qiyməti 6 milyon manatdır.