Ötən gün keçirilən növbədənkənar parlament seçkilərində Ailə, Qadın və Uşaq Problemləri üzrə Dövlət Komitəsinin sədri Hicran Hüseynova da qalib gəlib.

Axar.az xəbər verir ki, Yeni Azərbaycan Partiyasının üzvü kimi 41 saylı Sumqayıt birinci seçki dairəsindən namizədliyini irəli sürən H.Hüseynova seçkilərdə 32,6 faiz səslə liderliyini təmin edib.

Qeyd edək ki, H.Hüseynova MM seçkilərinə qatılarkən komitə sədri kimi fəaliyyətini dondurmuş və məzuniyyətə çıxmışdı. Mandat qazanacağı təqdirdə isə onun hər iki fəaliyyəti paralel davam etdirməsinin mümkün olmayacağı bildirilmişdi. Belə ki, Azərbaycan qanunvericiliyinə görə, H.Hüseynova ya komitə sədrliyini, ya da millət vəkilliyini seçməlidir.