Türkiyədə erməni işğalına etiraz olunub. İstanbulun Bəyoğlu Galatasaray Meydanında toplanan Milliyətçi Türkiyə Partiyası və Turan Ocaqları üzvləri aksiya keçirib.

Axar.az xəbər verir ki, Ermənistanın Qarabağı işğal etməsi, Xocalı qətliamı və Ege Universitetindəki hadisələrdə Fırat Yılmaz Çakıroğlunun öldürülməsi ilə bağlı nümayiş təşkil edilib.

Etirazçılar "Türkük, Türkçüyük, Atatürkçüyük" "Hər şey vətən üçün" şüarları səsləndirib, Türkiyə və Azərbaycan bayraqları qaldırılıb.

Bu zaman Türkiyə parlamentində müzakirə olunan daxili təhlükəsizliklə bağlı qanun layihəsinə görə etiraz edən KESK üzvləri ilə Xocalıya etiraz edənlər arasında qarşıdurma yaranıb. Polis müdaxilə edərək toqquşmanın baş verməsinə mane olub.