Gəncədən İstanabula uçacaq təyyarə təxirə salınıb.

Bu barədə Axar.az-a məlumat verən sərnişinlərin sözlərinə görə, bu gün səhər saat 09:50-də İstanbula uçacaq Türk Hava Yollarına məxsus təyyarə reysi ləğv edilib. Bununla bağlı əvvəlcədən sərnişinlərə məlumat verilmədiyindən müəyyən problemlər yaranıb.

Məlumata görə, Gəncə-İstanbul reysi, Bakı-İstanbul reysi ilə əvəz edilib. Şərnişinlərə bildirilib ki, eyni istiqamət üzrə hətəkət edən təyyarə bu gün axşam saat 20:35-də Bakıdan uçacaq.

Qeyd edək ki, Türkiyədə son bir həftə ərzində hava şəraitinin kəskin keçməsi ilə əlaqədar yüzlərlə təyyarə reysi təxirə salınıb. Bir neçə gün öncə Bakıdan İstanbula uçan 4 reys də ləğv edilmişdi.