16:31

MSK-nın bu gün keçirilən iclasında 123 saylı Kəlbəcər seçki dairəsi üzrə namizəd olmuş Əziz Qənbərovun şikayətinə baxılıb.

Axar.az xəbər verir ki, MSK üzvü Tofiq Həsənovun sözlərinə görə, şikayətçi həmin seçki dairəsi üzrə protokolların tərtibi zamanı pozuntulara yol verildiyini, qutulara topa şəkildə bülletenlərin atıldığını bildirib:

“O öz şikayətində bütövlükdə dairə üzrə səsvermənin nəticələrinin etibarsız hesab edilməli olduğunu deyib. Ancaq bu şikayətdə seçicilərin iradəsinə təsir edə biləcək hallar müşahidə edilməyib. Yalnız 16 saylı məntəqədə müəyyən pozuntular aşkarlanıb. Həmin məntəqədə səsvermənin nəticələrinin etibarsız sayılması üçün əsaslar yaranıb”.

Qərar səsverməyə çıxarılıb və dairənin 16 saylı məntəqəsinin nəticələrinin ləğvi barədə qərar qəbul olunub.