MSK üzvü Bəxşeyiş Əsgərov MSK-nın iclasında bildirib ki, 47 saylı Mingəçevir seçki dairəsi üzrə namizəd olmuş Qurbanəli Yusibov və İbrahim Salamov tərəfindən şikayət daxil olub.

Axar.az xəbər verir ki, onların təqdim etdikləri disklərə baxış keçirilib və nəticə açıqlanıb:

“Yalnız 3 videogörüntüdə seçicilərin iradəsini müəyyən etməyə imkan verməyən hal qeydə alınıb. Burada qutulara topa bülletenlərin atılmasından söhbət gedir. Bunlar 9, 17 və 21 saylı seçki məntəqələridir. Digərlərində ciddi qanun pozuntuları müşahidə edilməyib. Ona görə də bu 3 məntəqədə səsvermənin nəticələri etibarsız hesab olunmalıdır”.

Müzakirədən sonra MSK 47 saylı Mingəçevir seçki dairəsi üzrə 3 məntəqədə - 9, 17 və 21 saylı seçki məntəqələrində səsvermənin nəticələrinin etibarsız hesab edilməsinə dair qərar qəbul edib.