Ana səhifə Toplum |
Masallıda torpaq sürüşməsi baş verib.
APA-nın məlumatına görə, hadisə rayonun Xəlifələr kənd sakini Rahib Eyvazova məxsus fərdi evin qarşısındakı həyətyanı sahədə qeydə alınıb.
Belə ki, 70-80 metrlik ərazini əhatə edən torpaq qatı təxminən 6-7 metrlik dərinlikdən sürüşərək kənd yolunu tamamilə bağlayıb. Sürüşmə zamanı Rahib Eyvazovun həyətində becərib bəslədiyi 60-dan çox müxtəlif növ sitrus və meyvə ağacı, həmçinin çəpəri torpağın altında qalıb.
Hadisədən dərhal sonra Masallı Rayon Fövqəladə Hallar Komissiyasının üzvləri kəndə gələrək, sürüşmə zonasına baxış keçiriblər. İlkin versiya kimi hadisənin son günlər yağan intensiv yağış və qar səbəbindən baş verdiyi qənaətinə gəlinib. Qabaqlayıcı tədbir olaraq ərazi qardan təmizlənib.
Yerli sakinlərin sözlərinə görə, sürüşmə yenidən təkrar
olunacağı təqdirdə yaxınlıqdakı evlərin də bundan ziyan çəkmələri
qaçılmazdır. Rahib Eyvazovun evini isə torpaq sürüşməsi qeydə
alınan ərazidən cəmi 12 metrlik məsafə ayırır.
Masallı Rayon İcra Hakimiyyəti başçısının Yeyənkənd inzibati ərazi
nümayəndəsi Barat Nağıyev APA-nın yerli bürosuna sözü gedən ərazidə
qabaqlayıcı tədbirlərin davam
etdirildiyini, hadisə barədə müvafiq qurumların
məlumatlandırıldığını bildirib.
Tarix
2015.02.24 / 00:54
|
Müəllif
Axar.az
|