MSK-nın iclasında daha sonra 11 saylı Qaradağ seçki dairəsi üzrə namizəd Samir Məmmədovun şikayətinə baxılıb.

Axar.az-ın məlumatına görə, məsələ barədə məlumat verən MSK-nın və Ekspert Qrupunun üzvü Qabil Orucov bildirib ki, DSK onun şikayətini araşdırıb, ancaq əsassız hesab edildiyindən təmin edilməyib:

“Araşdırma zamanı həmin seçki dairəsi üzrə bir məntəqə istisna olmaqla, digər məntəqələr üzrə qanun pozuntuları öz təsdiqini tapmayıb. Ona görə də 11 saylı Qaradağ seçki dairəsinin yalnız 30 saylı məntəqəsi üzrə səsvermənin nəticələri etibarsız hesab edilməlidir”.

MSK həmin dairə üzrə 30 saylı məntəqədə seçkinin nəticələrinin etibarsız sayılmasına dair qərar qəbul edib.

Qeyd edək ki, 11 saylı Qaradağ seçki dairəsi üzrə lider namizəd Aydın Hüseynovdur.