10:57

Türkiyə lideri Ərdoğan Bakı səfərindən öncə jurnalistlərin suallarını cavablandırıb.

Axar.az Rəcəb Tayyib Ərdoğanın az öncə bitən mətbuat konfransında Suriya və Liviya barədə danışıb. Prezident bildirib ki, Türkiyə və Rusiya arasında İdlib və Liviya ilə bağlı proses gedir:

"İdlib böhranını tez həll etməliyik. Bu məsələni rusiyalı həmkarım Vladimir Putinlə də müzakirə edirəm. Liviya məsələsini də Rusiya ilə müzakirə edirik. Həm Xəlifə Haftarın qeyri-qanuni mövcudluğunu, həm də Liviyada Rusiyaya bağlı “Vaqner” özəl hərbi şirkətin fəaliyyəti ilə bağlı fikir mübadiləsi aparırıq. “Vaqner” şirkətini pul ilə təmin edən isə BƏƏ-dir. Bütün bunları Rusiya ilə müzakirə edirik”.

Ərdoğan qeyd edib ki, Rusiya Əsəd qüvvələrinə ən yüksək səviyyədə dəstək verir:

“Onlar inkar etsələr də, sübutlarımız var. Sərhədlərimizdə baş verən hadisələr səbəbindən bu mübarizədə olmağa məcbur deyil, məhkumuq. Sərhədlərimizə insan axınının gəlməsinə necə səssiz qala bilərik? Heç kim bu məsələyə həssas yanaşmır. Humanitar böhranı nəzərə alaraq qiymətləndirmələr aparırıq”.