Xocalı faciəsi bəşəriyyətə qarşı çevrilmiş ən dəhşətli cinayətlərdən biridir.

Axar.az xəbər verir ki, bunu Yeni Azərbaycan Partiyasının (YAP) təşkilatçılığı ilə Xocalı faciəsinin 28 illiyinə həsr olunan "Xocalı faciəsi fotolarda" adlı sərgidə Baş nazirin müavini, Yeni Azərbaycan Partiyası (YAP) sədrinin müavini-İcra katibi Əli Əhmədov edib.

O bildirib ki, Xocalı faciəsi təkcə soyqırım deyil, həm də hərbi qətliamdır:

“Beynəlxalq hüququn təsnifatına görə hərbi əməliyyatlarda iştirak etməyən dinc əhalinin qətlə yetirilməsi hərbi qətliam hesab olunur. Bu faciə xalqımızın tarixinin bütün mərhələlərində Azərbaycan xalqı ilə yaşayacaqdır və milli yaddaşın tərkib hissəsinə çevriləcək”.