Polis narkotik vasitələr daşıyan şəxslərə qarşı əməliyyat keçirib.

Axar.az Daxili İşlər Nazirliyinin rəsmi saytına istinadən xəbər verir ki, Binəqədi RPİ əməkdaşlarının həyata keçirdikləri əməliyyat-axtarış tədbirləri nəticəsində Bakı şəhər sakinləri, əvvəllər məhkum olunmuş - Fazil Əmirovdan 425,47 qram marixuana, Gülhüseyn Mehdiyevdən isə 382 qram heroin götürülüb.

Digər bir əməliyyat isə ictimai nəqliyyatda baş verib. Nəqliyyatda Baş Polis İdarəsi əməkdaşlarının həyata keçirdikləri əməliyyat-axtarış tədbirləri nəticəsində Bakı şəhər sakini Kənan Adnayevdən 450 qram marixuana götürülüb.

Fevralın 22-də isə narkotik vasitə ilə tutulan Nadir Nuriyevin digər əməlləri üzə çıxıb. Nəsimi RPİ 22-ci PB əməkdaşları N.Nuriyevi Türkan Məmmədovanın, Yeganə Bayramovanın və Aybəniz Ağayevanın çantalarından pul, sənəd və mobil telefon oğurladığını müəyyən edib.