Ana səhifə Toplum |
Paytaxt polisi vətəndaşların etimadını qazanıb ümumilikdə onlardan 85 min manata yaxın pul alan dələduzları saxlayıb.
Axar.az Daxili İşlər Nazirliyinin rəsmi saytına istinadən xəbər verir ki, Binəqədi RPİ 6-cı PB əməkdaşları tərəfindən yanvarın 18-də dələduzluq etdiyinə görə tutulan Vüqar Hüseynovun daha 8 nəfərin etimadlarını qazanaraq ümumilikdə onlardan 26 min 100 manat aldığı məlum olub.
Digər bir dələduz isə 6 nəfərdən 51 min manata yaxın pul alıb. Nəsimi RPİ 22-ci PB əməkdaşları tərəfindən fevralın 24-də dələduzluq etdiyinə görə tutulan Əlövsət Məhərrəmovun daha 6 nəfərin etimadını qazanıb, ümumilikdə onlardan 50 min 710 manat aldığı müəyyən edilib.
Digər bir dələduzluq hadisə isə Pirallahı ərazisində baş verib. Pirallahı RPŞ əməkdaşları tərəfindən fevralın 20-də dələduzluq etdiyinə görə tutulan Faiq Alirzayevin Bakı şəhər sakini Teymur Əfəndiyevin və Balakən rayon sakini Abdulla Abdullayevin etimadlarını qazanıb ümumilikdə onlardan 7700 manat aldığı məlum olub.
Tarix
2015.02.25 / 15:23
|
Müəllif
Axar.az
|