MSK tərəfindən seçkilərin yekunlarının və nəticələrinin təsdiq olunması üçün müvafiq sənədlər Konstitusiya Məhkəməsinə təqdim edildikdən sonra 10 gün müddətində ona baxılır.

Bu sözləri Axar.az-a Konstitusiya Məhkəməsinin parlament seçkilərinin nəticələrini təsdiq etməsi müddəti barədə barədə danışan hüquqşünas Akif Qurbanov deyib. O bildirib ki, sənədlərlə bağlı əlavə araşdırmaya ehtiyac yarandığı təqdirdə Konstitusiya Məhkəməsi öz qərarı ilə həmin vaxtı uzada bilər.

A.Qurbanov onu da qeyd edib ki, Konstitusiya Məhkəməsi araşdırma zamanı pozuntular aşkar etdiyi dairə üzrə nəticələri ləğv etmək səlahiyyətinə malikdir.

Qeyd edək ki, fevralın 25-də MSK seçkilərin yekun protokolunu qəbul edib və nəticələrin təsdiqi üçün Konstitusiya Məhkəməsinə göndərib.