Bizim teleskoplarımız hamısı sovetlər vaxtından qalmadır, diametrləri də kiçikdir.

Axar.az xəbər verir ki, bunu mətbuat konfransında N.Tusi adına Şamaxı Astrofizika Rəsədxanasının (ŞAR) direktoru, AMEA-nın müxbir üzvü Namiq Cəlilov bu keçirilən deyib. O bildirib ki, dövlət və rəhbərlik qarşısında yeni teleskopun alınması məsələsini qaldırılıb:

"Direktor təyin olunanda ilk müraciətim bununla bağlı idi. Bir az kənarda, insan əli çatmayan yerdə teleskop qurulsun. Bunun üçün biz çox istərdik ki, yeni teleskop alınsın və diametri 5-6 metr olsun. Bunun üçün külək və nəmişlik olmayan yer seçmişik.

Prezident sonuncu dəfə burada olarkən təklifimizi qəbul edib. İndi bu məsələ onun nəzarətindədir. Nə vaxt sərəncam versə, biz işlərə başlayacağıq".

N.Cəlilov qeyd edib ki, yeni teleskopun Dəmirçi kəndi istiqamətində salınan yollar yaxınlığında qurulması nəzərdə tutulub:

"Orada yolun 3 km kənarında heç bir işıq mənbəyi olmayan və bizə uyğun şəraiti olan ərazi var. Həmin yerdə tikilən teleskop ŞAR üçün çox yaxşı baza olar. İşçilərimiz orada rahatlıqla müşahidə apara bilərlər".