Paytaxtın Babək prospektində maraqlı qəza hadisəsi baş verib.

Axar.az xəbər verir ki, prospektdə kanalizasiya borularının yenilənməsi ilə əlaqədar əsas magistral yolun bir hissəsi qazılıb. Yolda hərəkət edən avtomobillərdən biri isə qazılan quyuya düşüb. Sol hissəsi tamamilə quyuya düşən avtomobil uzun müddət həmin formada qalıb.

Şahidlərin sözlərinə görə, yolda aparılan təmirlə əlaqədar avtomobillərin əraziyə daxil olmaması üçün heç bir ayırıcı vasitə qoyulmayıb. Yolda həmçinin təmir nişanının qoyulmaması da qəzaya bilavasitə şərait yaradıb.

Məlumata görə, qəza zamanı ciddi xəsarət alan və yaralanan olmayıb.