"British Airways" aviaşirkəti Azərbaycandan olan turistlərə endirimli qiymətlərlə səyahət etməyə imkan verən yeni bahar kampaniyasına start verib.

Axar.az xəbər verir ki, güzəştli aviabilet qiymətləri "Club World" və "World Traveller" sinifləri ilə səyahət edən sərnişinlərə şamil olunur. Kampaniya çərçivəsində Azərbaycandan olan turistlər 2015-ci ilin iyun ayının 30-dək səyahət edə biləcəklər. Azərbaycandan Böyük Britaniya və Avropaya olan aviabiletlərin qiyməti 484 avrodan, ABŞ və Kanadaya isə 674 avrodan başlayır.

"British Airways"ın London və digər şəhərlərə uçuş cədvəli ilə ba.com saytında tanış olmaq mümkündür. Burada sərnişinlər ən ucuz qiymətləri tapıb, eyni zamanda onlayn şəkildə aviareysi bron edib, biletin qiymətini ödəyib və reysə qeydiyyatdan keçə bilərlər.