Rəna Xudiyeva adlı istifadəçi Feysbuk hesabında 24 fevral 1992-ci ildə Xocalıda baş tutmuş toyun fotosunu paylaşıb.

Publika.az xəbər verir ki, Feysbuk istifadəçisi şəkilin aşağı hissəsində bunları qeyd edib:

"Bu, kəndimizdə son toy oldu. Gəlinin sağında dayanan şərfli oğlan və iki qardaşı əsir düşdü. Bəyin sağdişi də əsir götürüldü. Sonra da o yaraşıqli oğlanları vəhşicəsinə, əzab verərək öldürmüşdülər. Əlində boşqab, üzünü arxaya çevirən xalam qızı Çiçəkdir. Faciə gecəsi öldürüldü. 7 gün sonra cəsədini gətirmək mümkün oldu".