Bundan sonra şəhərlərarası, şəbəkədaxili və simsiz telefon şəbəkəsi ilə ödənişsiz danışıqlar aparmaq mümkün olacaq.

Bu barədə Axar.az-a "Aztelekom" İstehsalat Birliyindən məlumat veriblər. İB sabit telefon şəbəkəsi tarixində ilk dəfə şəhər-kənd arasında rəqəmsal əlaqəni asanlaşdırıb.

Belə ki, Rabitə və Yüksək Texnologiyalar Nazirliyinin "Aztelekom" İstehsalat Birliyi innovativ texnologiyaların tətbiqi nəticəsində sabit telefon şəbəkəsi tarixində ilkə imza atıb. Bakı şəhər şəbəkəsi statusuna malik sabit telefonlar artıq bölgələrdə də "585" indeksi ilə eyni statusla işləyəcək.

Bölgə əhalisi də Bakı şəhər telefonlarından istifadə edə biləcək. Bundan sonra şəhərlərarası, şəbəkədaxili və simsiz telefon şəbəkəsi (CDMA) ilə ödənişsiz danışıqlar aparmaq mümkün olacaq. Bununla da daha dayanıqlı rəqəmsal rabitə yaranacaq. Yeni qaydaya əsasən, Naxçıvan MR istisna olmaqla, respublikanın bütün ərazisində limitsiz və pulsuz danışmaq mümkün olacaq.

Qeyd edək ki, aylıq 15 manat abunə haqqı ödəməklə "585" indeksli telefonlara sahib olmaq mümkündür.