Bu xəstəliklə tam mübarizə hələ formalaşmayıb. Bu xəstəlik bir çox hallarda yüngül və simtompsuz keçir. Ancaq 15-20 faiz xəstəlik halında oksigen terapiyası tələb olunur, 5 faiz halda isə ağır vəziyyətdə, hətta ağciyərlərin süni ventilyasiyası da lazım gəlir.

Axar.az xəbər verir ki, bu sözləri Səhiyyə nazirinin müavini Viktor Qasımov Operativ Qərargahın keçirdiyi mətbuat konfransında deyib. O bildirib ki, bunları nəzərə alaraq hələ fevral ayında xüsus avadanlıqlar və qoruyucu vasitələr alınıb:

“Xəstəliklə mübarizədə ilk olaraq gigiyenaya diqqət edilməlidir. Həmçinin sosial izolyasiya tədbirləri mütləqdir. Operativ Qərargahın da karantin qərarının səbəbi budur”.