Bakı-Şamaxı yolunun 24-cü kilometrində yerləşən stasionar postunda gecə saatlarında insident baş verib.

Axar.az xəbər verir ki, “Mitsubişi Pajero” (90 DE 885) avtomobilinin sürücüsü posta gecə saat 01:00 radələrində yaxınlaşaraq, polislərdən kömək istəyib. O, idarə etdiyi avtomobildə hamilə qadının olduğu və ananın artıq sancılarının başladığını bildirib.

Xidmətdə olan YPX alayının baş inspektoru, polis baş leytenantı Aydın İsayev 99 YP 790 dövlət qeydiyyat nömrə nişanlı xidməti avtomobili ilə hamilə qadını dərhal xəstaxanaya çatdırıb. Qadın həkimlər tərəfindən nəzarətə götürülüb, doğuş uğurlu olub.

Hazırda ana və övladı özlərini yaxşı hiss edirlər.

Qeyd edək ki, ailədə qız uşağı dünyaya gəlib.