Koronavirus pandemiyasının Azərbaycanda yayılmasının qarşısını almaq məqsədilə ölkə ərazisində mütəmadi olaraq dezinfeksiya işləri həyata keçirilir.

Axar.az-ın məlumatına görə, dezinfeksiya işləri aparılan yerlərə parklar, uşaq meydançaları, inzibati binalar ilə yanaşı, insanların sıx toplaşdığı ərazilər də daxildir.

Bu ərazilərdə oturacaqlar, səkilər gün ərzində iki dəfə dezinfeksiya edilir.

Bakı Şəhər İcra Hakimiyyətinin tapşırığına əsasən, paytaxt üzrə dezinfeksiya işlərinin və qabaqlayıcı tədbirlərin həyata keçirilməsi intensivləşdirilib, gücləndirilmiş iş rejiminə keçirilib.

Qeyd edək ki, Ümumdünya Səhiyyə Təşkilatı (ÜST) virusun yayılmaması üçün zərurət olmadığı halda evdən çölə çıxmamağı və kütləvi yerlərdə toplaşmamağı tövsiyə edir.