“Qələbə meydanı” müxtəlif səviyyəli tunel tipli yol qovşağında yol-nəqliyyat hadisəsi baş verib. Baş vermiş hadisəsi zamanı yol təsərrüfatına ziyan dəyib.

Axar.az xəbər verir ki, 4 nömrəli müntəzəm marşrut xətti üzrə hərəkətdə olan sərnişin avtobusu avtomobil tunelində idarəetmədən çıxaraq yolayırıcına çırpılıb. Nəticədə yolayrıcında quraşdırılmış yol nişanı, elektron tablo və divar üzlükləri sıradan çıxıb.

Hazırda qəzanın fəsadları əraziyə cəlb olunmuş Azərbaycan Avtomobil Yolları Dövlət Agentliyinin əməkdaşları tərəfindən aradan qaldırılır. Dəymiş ziyanla bağlı fakt aktlaşdırılaraq, aidiyyəti üzrə göndərilib.