20:29

Vətəndaşların sosial müdafiəsi ilə bağlı atılacaq addımlarla baglı bildiririk ki, cənab Prezidentin sərəncamı ilə yaradılmış Məşğulluq və sosial məsələlər üzrə İşçi Qrup tərəfindən təkliflər hazırlanıb.

Axar.az xəbər verir ki, bu barədə Əmək və Əhalinin Sosial Müdafiəsi Nazirliyindən mətbuat katibi məlumat yayılıb.

“Bu məsələlərə kompleks yanaşılacaq. Həm sahibkarların, həm də vətəndaşların məşğulluq məsələləri barədə təkliflər aidiyyəti üzrə təqdim olunub. Yaxın günlərdə bu barədə ətraflı məlumatlar veriləcək”, - o qeyd edib.

Açıqlamada həmçinin vurğulanıb ki, hazırda mətbuatda yazılan məlumatlar dezinformasiyadır, vətəndaşları çaşdırmaq məqsədi daşıyır.

Qeyd edək ki, mediada karantin müddətində evdə qalan insanlara minimum əmək haqqı qədər - 250 manat veriləcəyi ilə bağlı qeyri-rəsmi məlumat yayılıb. Əslində isə bu məlumat sadəcə ekspertlərin təklifidir.