2020.03.30. 14:39

Koronavirusla Mübarizəyə Dəstək Fonduna yığılan vəsaitlərin həcmi 100 milyonu ötüb.

Axar.az xəbər verir ki, bu gün ərzində Fondun vəsaitləri daha 10 milyon artaraq, 103 milyon 018 min 535 manata çatıb (29 martda 93 milyon 157 min 335 manat idi).

Fonda ianə edənlərdən 4149 nəfər fiziki, 1734 nəfər hüquqi şəxsdir.

Qeyd edək ki, Fond 19 mart 2020-ci ildə Prezident İlham Əliyevin sərəncamı ilə yaranıb. İlham Əliyev ilkin olaraq Fonda Prezidentin ehtiyat fondundan 20 milyon köçürüb və özünün bir illik əmək haqqını bağışlayıb. Daha sonra Azərbaycanın Birinci vitse-prezidenti Mehriban xanım Əliyeva da bir illik maaşını Fonda ianə edib.

Fond hazırda əhalinin koronaya qarşı mübarizəsinin rəmzinə çevrilib.