14:04

Bu gün sosial şəbəkələrdə Nazirlər Kabineti yanında Operativ Qərargaha istinadən guya dərslərin 15 sentyabradək təxirə salınması ilə bağlı yayılan xəbər yanlışdır.

Axar.az xəbər verir ki, bunu Təhsil Nazirliyinin mətbuat katibi Cəsarət Valehov qeyd edib. Belə yanlış xəbərlərin yayılmasının cinayət tərkibi yaratdığını qeyd edən C.Valehov rəsmi qurumların xəbərlərinə istinad edilməsinin vacib olduğunu deyib.

Qeyd edək ki, sosial şəbəkələrdə koronavirus infeksiyasının geniş yayılmasının qarşısının alınması və əhalinin sağlamlığının təmin olunması məqsədilə bütün təhsil müəssisələrində dərslərin 15 sentyabr 2020-ci il tarixinədək dayandırıldığı barədə məlumat yayılıb.