Son zamanlar ayrı-ayrı vətəndaşlar tərəfindən həqiqətə uyğun olmayan məlumatlar yayılır. Belə hərəkətlərin qarşısı polis orqanları tərəfindən alınır.

Axar.az xəbər verir ki, bunu Operqərargahın mətbuat konfransında DİN Baş İctimai Təhlükəsizlik İdarəsinin rəis müavini Əziz Baqişev deyib:

"Karantin rejimi tətbiq olunandan bu günə qədər yalan xəbər yayan 10 nəfər inzibati qaydada məsuliyyətə cəlb olunub, 17 nəfər cərimə edilib, 110 nəfərə xəbərdarlıq edilib. Vətəndaşlardan xahiş edirik ki, yalnız rəsmi məlumatlara inansınlar, dezinformasiyalar yaymasınlar".

Nazirlər Kabinetinin mətbuat katibi İbrahim Məmmədov isə bildirib ki, dezinformasiya yayanlar arasında KİV nümayəndələri də yer alır:

"Saxta sənədləri ayırd etmək üçün Nazirlər Kabinetinin saytına daxil olmaq kifayətdir. Mətbuat nümayəndələri dezinformasiyaları işlədikləri qurumlarda deyil, sosial şəbəkələrdə yayırlar".