Bakının Qələbə dairəsi dəyişdirilir.

Axar.az xəbər verir ki, tıxacların aradan qaldırılması məqsədi ilə dairə kiçildilir və yenidənqurma işləri aparılır. Sürücülərin də müsbət qarşıladığı bu təmir işləri davam etdirilir.

Şəhərin Yasamal rayonu ərazisi olan Qələbə meydanında dairəni kiçiltməklə tıxacların səngiyəcəyi hesablanıb. Dairənin ətrafındakı daşlar sökülüb və ərazidə ağır texnika işləyir. İş icraçılarının sözlərinə görə, dairənin ölçüləri kiçilməlidir.

Dairə olan yolda beton plitələr və sağ tərəfə hərəkəti göstərən yol nişanı quraşdırılır. Eyni zamanda, dairənin çox yüklənməsini nəzərə alaraq avtomobillərin hərəkət istiqaməti dəyişdirilir.