Azərbaycanda fəaliyyət göstərən "Gənc fənərbaxçalılar" azarkeş qrupu nümunəvi addım atıb.

Axar.az xəbər verir ki, azərbaycanlı azarkeşlər ölkənin koronavirusla mübarizə çərçivəsində müvafiq addımlar atdığı zamanda öz dəstəklərini göstəriblər və aztəminatlı ailələrə yardım etmək qərarına gəliblər.

Kamal Əliyevin rəhbərlik etdiyi azarkeşlər qrupu estafeti digər qrupa ötürərək, kampaniyalarına imkanı çatan şəxslərin qoşulmasını istəyib:

“Bu çətin günlərdə gücümüzün birliyimizdə olduğunu bilirik. Daha çox ailəyə əlimizin çatması üçün kampaniyanı davam etdirmək istəyir, "UltrAslan Azərbaycan" azarkeş qrupuna meydan oxuyur və estafeti onlara ötürürük. Bununla yanaşı, ölkəmizdə yaşayan digər “fənərbaxçalılar”ın, eləcə də iş adamlarının bu kampaniyaya dəstək olmasını gözləyirik.

Biz birlikdə güclüyük!"