Bakıda və regionlardakı gömrük-keçid məntəqələrinə yaxın olan bütün otellər, Atletlər kəndi, müxtəlif universitetlərin regionlardakı istirahət mərkəzləri, xüsusilə də Nabrandakı istirahət mərkəzləri karantin üçün ayrılıb.

Axar.az xəbər verir ki, bu sözləri TƏBİB-in İdarə Heyətinin sədri Ramin Bayramlı Nazirlər Kabineti yanında Operativ Qərargahın brifinqində çıxışında bildirib.

"Şimalda karantin üçün yer olmayanda onları Nəqliyyat, Rabitə və Yüksək Texnologiyalar Nazirliyinin ayırdığı avtobuslar vasitəsilə cənubdakı otellərə aparılır. Logistika planı var və bu plana uyğun da hərəkət edirik. Qərb, şimal və cənubda bütün 3, 4 və 5 ulduzlu otellər ayrılıb", - R.Bayramlı söyləyib.