Xəbər verdiyimiz kimi, dünən Anar İsgəndərov və Aslan Bayramov adlı iki şəxs Daxili İşlər Nazirliyinin əməkdaşları tərəfindən tutulub.

Onlar özlərini media işçisi kimi təqdim edib, işlədikləri jurnalların möhürü ilə təsdiq edilmiş saxta arayışları satarkən saxlanılıblar.

Həmin şəxslər saxta sənəd satdıqları adamların xüsusi karantin qaydalarının tələblərini pozaraq, sərbəst hərəkət etmələrinə şərait yaradıblar.

Axar.az Oxu.az-a istinadən xəbər verir ki, özünü “Sağlam Həyat Naminə” beynəlxalq elmi-tibbi jurnalın əməkdaşı kimi təqdim edən Aslan Bayramov əvvəllər idmançı olub. O, 2001-cü ildə Bakıda keçirilmiş boks üzrə yeniyetmələr arasında dünya çempionatının qalibi adını qazanıb.

Ümumiyyətlə, həmin yarışda iki azərbaycanlı boksçu qalib ola bilib. Onlardan digəri Emil Məhərrəmov olub.

Aslan Bayramov bu uğurunun arxasını gətirə bilməyib. O, yalnız 2008-ci ilin yanvarında 69 kq çəki dərəcəsində Azərbaycan çempionu olub. A.Bayramov həmin ilin iyulunda hərbi xidmətə göndərilən yeddi boksçumuzdan biridir.