Koronavirus pandemiyası səbəbindən bir çox iş yerlərinin qapadılması və xüsusilə günəmuzd işləyən insanların gəlirdən məhrum olması bəzi xeyriyyəçilik askiyalarına səbəb olub.

Axar.az xəbər verir ki, bu kampaniyalar çərçivəsində Göyçay rayonunda “Ehtiyacın var götür, ehtiyacın yoxdur əlavə et” aksiyası keçirən kiçik bir market diqqəti çəlb edib.

Natiq Xəlilov adlı şəxs özünə məxsus Həsən bəy Zərdabi küçəsində yerləşən marketdə bu aksiyaya start verib.

Natiq Xəlilov saytımıza açıqlamasında deyib ki, bu təşəbbüsü o, mömin insanların köməyi ilə başladıb:

“Mömin insanların tövsiyəsi və dəstəyi ilə bu aksiyaya başladıq. Könüllü şəxslər bu yardıma qoşulur, imkansız ailələrə dəstək olurlar. Aksiyaya iki gündür başlamışıq və artıq 10 imkansız ailəyə ərzaq məhsulları yardımı edilib”.

Qeyd edək ki, Bakıda Qrandmart MMC də belə bir aksiyaya başlayıb.