Bakının Yasamal rayonu, Yeni Yasamal yaşayış massivində iyirmimərtəbəli 2 binanı su ilə təchiz edən su borusunda qəza baş verib.

Axar.az xəbər verir ki, bu gün səhər saat 07:00 radələrində baş verən qəza nəticəsində su nasosu yerləşən zirzəmi də dağıntılar altında qalıb.

Azərsu ASC-nin qəza xidmətinin əməkdaşları hadisə yerində işləmələrinə baxmayaraq, suyun verilişini bərpa etmək mümkün olmayıb.

Qeyd edək ki, bu binalarda 200-ə yaxın ailə yaşayır və hazırda karantin rejiminə görə evdə qalan sakinlər susuzluqdan əziyyət çəkirlər.